வரம் ஒன்று தந்தருள்வாய்! வடிவேலா! வரமொன்று தந்தருள்வாய்! --எங்கள்
மரகத மாமயிலேறும் ஆறுமுக வடிவேலா (வரமொன்று)
அனுபல்லவி
“பரம்” என்ற சொல்லுக்கொரு பொருளே! --பரத்தில் பரம் என்ற சொல்லுக்கொரு பொருளே!---இளம் பச்சைக்கும் இச்சைக்கும் நடுப் பொருளே!
பல பொருள் கேட்டுனை அது இது எனாது
பட்டென்று ஒரு பொருள் கேட்டிடுவேன் அந்த (வரமொன்று)
சரணம்
பொன்னும் மணியும் எந்தன் புத்தியிலே பட்டவை-- புளித்துப் புளித்துப் போச்சே!--- ஏனென்றால் உந்தன் புன்னகை முகம் கண்டதால் ஆச்சே!
இன்னும் உலகமுறும் இன்பம் என்றவை---
இன்னும் உலகமுறும் இன்பம் என்றவை---
எப்படியோ மறந்து போச்சே! ஏனென்றால் உன் ஏறுமயில் நடம் கண்டதாலாச்சே!
முன்னும் மனம் உருக “முருகா முருகா” என்று மோஹமீறித் தலை சுற்றலாச்சே!-- சொல்ல வந்த
முன்னும் மனம் உருக “முருகா முருகா” என்று மோஹமீறித் தலை சுற்றலாச்சே!-- சொல்ல வந்த
மொழி கூட மறந்துதான் போச்சே!
பொன்னார் மேனியன் காதில் சொன்னாயே (ஏதோ)--அந்தரங்கம் போதும் என்று கேட்கவும் ஆசை ஆச்சே
பொன்னார் மேனியன் காதில் சொன்னாயே (ஏதோ)--அந்தரங்கம் போதும் என்று கேட்கவும் ஆசை ஆச்சே
மத்யம காலம்
புனிதமான அறுபடை வீடுடையாய்! புகு மதக்களிறு நடையுடையாய்!
இனித்த நறு வைங்கலவை அதனினும்-- இனித்த தினையினைச் சுவையுடையாய்!
எனக்கும் ஒரு பதம் தந்தருள மணமணக்க வரு தமிழருளுடையாய்
அன்னையினும் சிறந்ததான அருளொடு நிறைந்ததான அறுமுக வடிவேலா
(வரமொன்று)
இனித்த நறு வைங்கலவை அதனினும்-- இனித்த தினையினைச் சுவையுடையாய்!
எனக்கும் ஒரு பதம் தந்தருள மணமணக்க வரு தமிழருளுடையாய்
அன்னையினும் சிறந்ததான அருளொடு நிறைந்ததான அறுமுக வடிவேலா
(வரமொன்று)
No comments:
Post a Comment