ஜோதி ஜோதி ஜோதியனின் ஜோதி பாருங்கள் - உங்கள்
சோதனைகள் தீருமென்று நம்பிப் பாருங்கள் - குருவின்
போதனைகள் கூறும்வண்ணம் வாழ்ந்து பாருங்கள்
(ஜோதி...)
ஆலடியில் அமர்ந்தவனின் அழகைப் பாருங்கள்
ஆலடியில் அமர்ந்தவனின் அழகைப் பாருங்கள்- புவியை
ஆண்டருளும் அழகனவன் ஜோதி பாருங்கள் - சங்கரன்
ஆதிகுரு ரூபம் அதை உணர்ந்து பாருங்கள்
(ஜோதி...)
பூலோக மாந்தர்கள் நம் வாழ்வு விளங்கவே
பூலோக மாந்தர்கள் நம் வாழ்வு விளங்கவே - வேதம்
பெற்றுத் தந்த பரம்பொருளைத் தொழுது பாடுவோம்- காஞ்சி
சங்கரனின் ஜோதி ரூபம் கண்டு வேண்டுவோம்
(ஜோதி...)
வேத வேந்தன் ஞான ஸ்கந்தன் நாமம் போற்றியே
வேத வேந்தன் ஞான ஸ்கந்தன் நாமம் போற்றியே - நான்கு
வேதவழி தர்மநெறி வாழப் பழகுவோம் - வாழ்வில்
வளம்பெறவே தர்மநெறி உணர்ந்து வாழுவோம்
(ஜோதி...)
நடை நடையாய் நடந்தருளும் நளினம் போற்றியே
நடை நடையாய் நடந்தருளும் நளினம் போற்றியே - நாளும்
நடைராசன் சங்கரனின் கழலை நாடுவோம் - குருவை
நெஞ்சகத்தில் போற்றி நாளும் சிறந்து வாழுவோம்
(ஜோதி...)
No comments:
Post a Comment