சுட்டும் விழிச் சுடரே - சங்கரா
சுந்தரப் புன்னகையே
விட்ட வழி நினதே – எமக்கு
சுகமருட் சுந்தரனே
கட்டும் விதிவலியை கலைந்தே
காத்தருள் புரிகுவையோ
நட்ட நடு வாழ்வாம் கடலில்
கரையேற் றருள் குருவே!
காலைக் கதிரொளியோ – சங்கரா
கருணை பொழிமுகமோ
மேலைக் கடலொலியாய் மனமும்
ஏங்கித் தவிக்குதையா
தாளைப் பற்றினமே – எமக்கு
தன்னொளி புரிகுவையோ
சோலை மலர் மணமாய் வாழ்வில்
சுகமதும் தந்தருளே!
மோனத் தவ உருவே – சங்கரா
மூத்தோர் திருவுருவோ
ஞானக் கடல் ஒளியாய் ஞாலம்
காக்கவும் வந்தனையோ
கானம் இசைத்து முன்னை நாளும்
கண்டு துத்தனமே
தானம் தரும வளம் தரணியில்
தழைத்திட அருள் குருவே!
No comments:
Post a Comment